ಸುಖ ಮತ್ತು ದುಃಖ

ನಿಮ್ಮ ಸುಖ, ಮುಖವಾಡ ತೆಗೆದ ನಿಮ್ಮ ದುಃಖ.
ಯಾವ ಬಾವಿಯ ಕೆಳಗಿ0ದ ನಿಮ್ಮ ನಗೆ ಈಗ
ಮೇಲೆ ಎದ್ದು ಪ್ರತಿಧ್ವನಿಸುತ್ತಿದೆಯೋ, ಬಹಳ ಬಾರಿ 
ಅದೇ ಬಾವಿ, ನಿಮ್ಮ ಕಣ್ಣೀರಿಂದ ತುಂಬಿತ್ತು.

ಮತ್ತೆ ಹೇಗಿರಲು ಸಾಧ್ಯ?

ದುಃಖ ನಿಮ್ಮ ಅಂತರಂಗವನ್ನು, ಆಳ
ಎಷ್ಟು ಕೊರೆಯುತ್ತದೆಯೋ
ಅಷ್ಟು ಹೆಚ್ಚು,
ಸುಖ ನಿಮ್ಮಲ್ಲಿ ಹಿಡಿಸುತ್ತದೆ.

ಈ ನಿಮ್ಮ ಕಪ್, ಮೊನ್ನೆತಾನೇ
ಕುಂಬಾರನ ಕುಲುಮೆಯಲ್ಲಿ
ಸುಟ್ಟಿದ್ದಲ್ಲವೇ?
ನಿಮ್ಮ ಮನಸ್ಸಿಗೆ ಮುದ ನೀಡುವ
ಈ ಕೊಳಲನ್ನು, ಚಾಕು
ಕೊರೆದು ಡೊಂಬ ಮಾಡಿಲ್ಲವೇ.

ನೀವು ಸಂತೋಷದಲ್ಲಿರುವಾಗ
ಹೃದಯದ ನಿಮ್ಮ ಆಳದಲ್ಲಿ, ನೋಡಿ ಇಣುಕಿ,
ನಿಮಗೆ ದುಃಖ ಕೊಟ್ಟಿದ್ದೇ ಈಗ ಸುಖ ಕೊಡುತ್ತಾ ಇದೆ.

ನೀವು ದುಃಖದಲ್ಲಿರುವಾಗ
ಮತ್ತೆ ನಿಮ್ಮ ಹೃದಯ ಇಣುಕಿ ನೋಡಿ,
ನಿಮಗೆ ಅರಿವಾಗುತ್ತದೆ,
ನೀವು ಅಳುತ್ತಿರುವುದು, ಹಿಂದೊಂದಿನ ಸಂತಸಕ್ಕಾಗಿ.

ನಿಮ್ಮಲ್ಲಿ ಕೆಲವರು ಹೇಳುತ್ತಾರೆ;
"ಸುಖ ದುಃಖಕ್ಕಿಂತ ಮೇಲು."
ಇನ್ನು ಕೆಲವರು ಹೇಳುತ್ತಾರೆ
"ಅಲ್ಲ ದುಃಖ, ಸುಖ ಸಂತೋಷಕ್ಕಿಂತ ಮೇಲು"
ಆದರೆ ನಾನು ನಿಮಗೆ ಹೇಳುತ್ತೇನೆ;
ಅವೆರಡೂ ಬೇರ್ಪಡಿಸಲಾಗಿದ್ದು
ಜೊತೆಗೆ ಬರುತ್ತೇವೆ ಅವು.
ಒ0ದು ನಿಮ್ಮ ಮಂಚದ ಮೇಲೆ ಹತ್ತಿರ ಕುಳಿತಿದ್ದರೆ
ನೆನಪಿಡಿ, ನಿಮ್ಮ ಹಾಸಿಗೆಯಮೇಲೆ ಇನ್ನೊಂದು
ಮಲಗಿದೆ.

ನಿಜವಾಗಿ ಹೆಳಬೇಕೆ0ದರೆ ಸುಖದುಃಖಗಳ ಮಧ್ಯದಲ್ಲಿ
ತಕ್ಕಡಿಯಂತೆ ತೂಗಾಡುತ್ತಿದ್ದೀರಿ ನೀವು.
ಬರಿದಾಗಿ ಇದ್ದಾಗ ಮಾತ್ರ ಸ್ತಬ್ಧ
ಸಮತೋಲನದಲ್ಲಿ ಕಾಣುತ್ತೀರಿ.

ಯಾವಾಗ, ಖಜಾನೆಯ ಮಾಲಿಕ
ಅವನ ಬೆಳ್ಳಿ ಬಂಗಾರ ತೂಕ
ಮಾಡಲು ನಿಮ್ಮನ್ನು ಮೇಲೆತ್ತುತ್ತಾನೋ
ಆಗ ನಿಮ್ಮ ಸುಖ ದುಃಖ
ಮೆಲೆ ಕೆಳಗೆ ಆಗಬೇಕು.