ಅಪರಾಧ ಎಸಗುವವನು ನಿಮ್ಮವನಲ್ಲ

Khalil Gibran Poem - The Prophet

ಬಹಳ ಬಾರಿ ನೀವು ಹೇಳುವುದನ್ನು ಕೇಳಿದ್ದೇನೆ
ಅಪರಾಧ ಎಸಗುವವನು ನಿಮ್ಮವನಲ್ಲ,
ನಿಮಗೆ ಅಪರಿಚಿತ, ಮತ್ತು
ಪ್ರಪಂಚದಲ್ಲಿ ಒಳನುಗ್ಗುವ ನಿಮ್ಮ ಶತ್ರು.

ಆದರೆ ನಾನು ಹೇಳುತ್ತೇನೆ,
ಹೇಗೆ ಧಾರ್ಮಿಕತೆ ಮತ್ತು ಪವಿತ್ರತೆ
ನಿಮ್ಮ ಪ್ರತಿ ಒಬ್ಬರಲ್ಲಿರುವದಕ್ಕಿ0ತ ಹೆಚ್ಚು
ಎತ್ತರಕ್ಕೆ ಏರಲಾರದೋ, ಹಾಗೇ,
ದುಷ್ಟ ಮತ್ತು ಅಶಕ್ತ,
ಕನಿಷ್ಠ ಕೀಳುಮಟ್ಟಕ್ಕಿಂತ ಕೆಳಗೆ,
ಯಾವ ಕೀಳು ನಿಮ್ಮಲ್ಲಿಯೂ ಇದೆಯೋ - ಅದಕ್ಕಿಂತ
ಕೆಳಗೆ ಹೋಗಲಾರ.

ಹೇಗೆ, ಒಂದು ಎಲೆಯೂ,
ಸಂಪೂರ್ಣ ಮರದ ಮೌನ ಸಮ್ಮತಿಯಿಲ್ಲದೆ
ಹಳದಿಯಾಗಲಾರದೋ, ಹಾಗೆ,
ನಿಮ್ಮೆಲ್ಲರ ಗುಪ್ತ ಸಮ್ಮತಿಯಿಲ್ಲದೆ
ಅಪರಾಧಿ ತಪ್ಪು ಮಾಡಲಾರ.

ಮೆರವಣಿಗೆ ಒಂದು ಹೋದಂತೆ ನೀವು
ನಿಮ್ಮ ಆತ್ಮದ ಕಡೆ ಸಾಗುತ್ತಿದ್ದೀರಿ.
ನೀವು ದಾರಿಯೂ ಹೌದು, ದಾರಿ ಮಾಡುವವರೂ ಹೌದು.

ನಿಮ್ಮಲ್ಲಿ ಒಬ್ಬ ಕೆಳಗೆ ಬಿದ್ದಾಗ,
ಹಿಂದಿರುವ ಎಲ್ಲರ ಸಲುವಾಗಿ
ಬೀಳುತ್ತಾನೆ ಅವನು;
ಮೂಕರಿಸಿ ಬೀಳುವ ಸೂಚಕ ಅವನು.
ಅಯ್ಯೋ, ಅವನು ಅವನ ಮುಂದಿರುವವರ
ಸಲುವಾಗಿಯೂ ಬೀಳುತ್ತಾನೆ,
ದೃಢ ಹೆಜ್ಜೆಯ ಅವರು, ವೇಗವಾಗಿ
ಚಲಿಸುವವರಾದರೂ, ಮುಗ್ಗರಿಸಿದ
ಕಲ್ಲನ್ನು ತೆಗೆಯಲಿಲ್ಲವಲ್ಲ, ಹಾಗಾಗಿ.

ಕೊಲೆಯಾದವ ಅವನ ಕೊಲೆಗೆ
ಪೂರ್ಣ ಅ-ಜವಾಬ್ದಾರನಲ್ಲದೆ ಇಲ್ಲ.
ಕಳೆದುಕೊಂಡವ ಆ ಕಳ್ಳತನಕ್ಕೆ
ಪೂರ್ಣ ನಿರ್ದೋಶಕನಲ್ಲ